നടന്നുമറഞ്ഞ നാള്‍വഴികളില്‍ എന്നെ തനിച്ചാക്കി നടന്നകന്നപ്പോള്‍
നീ അറിഞ്ഞിരുന്നോ? നീ നഷ്ടപ്പെടുത്തിയത് നിന്റെ പ്രണയമാണ് 
മഴത്തുള്ളികള്‍പോലെ നിന്റെ പ്രണയം പെയ്തിറങ്ങിയത് 
എന്റെ ഹ്രിദയത്തിന്റെ ആഴങ്ങളിലേക്കാണ് !!!!
സ്നേഹസംഗീതം പോലെ നിന്ന്റ്റെ വാക്കുകള്‍ പതിച്ചത്
എന്റെ മനസ്സിലേക്കാണ് !!!

നീ ഉറങ്ങുമ്പോള്‍ നിന്റെ കണ്ണിമകള്‍ക്ക് കാവലായി ഞാന്‍ ഉണ്ടാകും
നീ ഉണരുമ്പോള്‍ നിന്റെ കണ്ണിനു കണിയായും...

എന്റെ സ്വപ്നങ്ങള്‍ എന്നെ നയിക്കുന്നത് നിന്നിലേക്കാണ് 
എന്റെ മനസ്സ് ധ്യാനിക്കുന്നത് നിന്നെമാത്രമാണ് 
എന്റെ കണ്ണുകളില്‍ ഞാന്‍ കാണുന്നത് നിന്റെ മുഖമാണ് 
എന്റെ വാക്കുകളിലൂടെ പറയുന്നത് നിന്നെ കുറിച്ചാണ് 
എന്റെ അക്ഷരങ്ങള്‍ എഴുതുന്നത് നിന്റെ പ്രണയത്തെയാണ് 
ഓര്‍ത്തിരിക്കാന്‍ ഒത്തിരി ഓര്‍മ്മകളും 
കാത്തിരിക്കാന്‍ ഒരുപാട് പ്രതീക്ഷകളും നീ എനിക്ക് നല്‍കി
ഈ ജീവിതത്തില്‍ എനിക്ക് നിന്നെ പ്രണയിക്കാന്‍
ആ ഓര്‍മ്മകളും പ്രതീക്ഷകളും മാത്രം മതി.......

ഓര്‍മ്മകള്‍ എന്നും അമൂല്യമാണ് . നിന്നെ കുറിച്ചുള്ള ഓര്‍മ്മകളും എനിക്ക് വിലപ്പെട്ടതാണ് .അത് സത്യമാണ് .പക്ഷേ എനിക്ക് വേണ്ടത് നിന്നെയാണ് .നിന്റെ സ്നേഹമാണ് .നിന്റെ സാമിപ്യമാണ് .!!!!

എന്റെ ശൂന്യതയില്‍ ഞാന്‍ തേടുന്നത് നിന്നെയാണ് 
എന്റെ വേദനയില്‍ ഞാന്‍ ആഗ്രഹിക്കുന്നത് നിന്റെ സ്വാന്തനമാണ് 
എന്റെ സന്തോഷങ്ങള്‍ ഞാന്‍ പങ്കുവെക്കുന്നത് നിനക്കൊപ്പമാണ് 
എന്റെ മനസ്സ് നിനക്ക് നല്‍കുന്നത് എന്നെതന്നെയാണ്
നീയും ഞാനുമെന്നത് എനിക്ക് കിട്ടാവുന്നതില്‍ ഏറ്റവും വലിയ സ്വര്‍ഗ്ഗമാണ്
നീ കൂടെയുള്ള ഒരോ നിമിഷവും എന്റെ ഓര്‍മ്മകളില്‍ വിലപ്പെട്ടതാണ് 
നിന്നെ നഷ്ടപ്പെടുകയെന്നത് എനിക്ക് എന്റെ ജീവന്‍ നഷ്ടമാകുന്നതിന് തുല്യമാണ്..
നീ എനിക്കുവേണ്ടിയും ഞാന്‍ നിനക്കു വേണ്ടിയും മാത്രം സ്രിഷ്ടിക്കപ്പെട്ടതാകുന്നു.

എന്നെ ഇല്ലാതാക്കി എന്റെ സ്വപ്നങ്ങളെ ഇല്ലാതാക്കി
എന്റെ പ്രതീക്ഷകളെ മുറിവേല്പ്പിച്ച് നീ അന്ന്
വിടപറഞ്ഞപ്പോള്‍  ഒരു തിരിച്ചുവരവ് ഞാന്‍ ആഗ്രഹിച്ചില്ല
ഇന്നും ഞാന്‍ അതിനെ വരവേല്‍ക്കുന്നില്ല!!!
എങ്കിലും നീ എന്നെ വിളിച്ചപ്പോള്‍ ,നിന്റെ സന്ദേശങ്ങള്‍
മാപ്പുപറയലുകളുമായി എന്നിലേക്കെത്തിയപ്പോള്‍
അര്‍ത്ഥമറിയാതെ നീ പറഞ്ഞു പഴകിയ ഐ ലൗ വു എന്ന വാക്കിനൊപ്പം
നിന്റെ കണ്ണുകള്‍ കുതിര്‍ന്നൊഴുകിയത് വിങ്ങലുകളിലൂടെ മനസ്സിലാക്കിയപ്പോള്‍
എനിക്ക് നിന്നോട് സ്നേഹമല്ല മറിച്ച് സഹതാപവും ലജ്ജയുമാണ് തോന്നിയത്
നീ നഷ്ടമാക്കിയത് ജീവിതത്തില്‍ നിനക്ക് കിട്ടാവുന്ന ഏറ്റവും വലിയ സ്നേഹമാണ്
ആ സ്നേഹത്തിന്റെ സത്യം അതിന്റെ പരിശുദ്ധി ആ തിരിച്ചറിവാണ്
അതാണ് നിന്റെ മനസ്സിനെ വീണ്ടും എന്നിലേക്ക് എത്തിച്ചത്.
നീ നഷ്ടപ്പെടുത്തിയത് ഒരിക്കലും തിരിച്ചെടുക്കാനാവാത്തതാണ് ,
ഒരിക്കലും തിരിച്ചുവരാത്തതും.

നിന്നോടുള്ള വെറുപ്പോ വൈരാഗ്യമോ അല്ല
നിന്നെ അകറ്റിനിര്‍ത്തിയത് മറിച്ച് നിന്റെ
മോതിരവിരലില്‍  മുദ്രചാര്‍ത്തിയ ഒരുവന്റെ
പ്രതീക്ഷകളെ , പ്രണയത്തെ നശിപ്പിക്കാതിരിക്കാന്‍
അവന്റെ ശാപം നിന്നില്‍ പതിക്കാതിരിക്കാന്‍
ആ സ്നേഹം നിലനില്‍ക്കാന്‍,ഒരു ജീവിതം മുഴുവന്‍
നീ സന്തോഷമായി ജീവിക്കാന്‍
മനസ്സില്‍ നിന്നെ എന്നും പ്രണയിച്ചു കൊണ്ട്
നിനക്ക് വേണ്ടി എനിക്ക് ചെയ്യാന്‍ കഴിയുന്ന
ഏറ്റവും വലിയ കാര്യം അതുമാത്രമാണ്
ദീര്‍ഘ സുമംഗലി ഭവ: